Huldubraut 21

LIND fasteignasala og Arinbjörn Marinósson, löggiltur fasteignasali, kynna virkilega sjarmerandi og smekklegt einbýlishús með útsýni og fallegum garði við Huldubraut 21 á Kársnesinu. Lóðin sem húsið stendur er 1151 m² og var hönnuð og útbúin af skrúðgaryrkjumeistara með heitum potti, tjörn og geymsluskúr.
Húsið var að mestu endurbyggt og stækkað árið 2005, teiknað og hannað af Jakobi Líndal arkitekt. Þá voru lagnir, rafmagn, gluggar, þak og dren endurnýjað. Eldhúsið var að fullu endurnýjað 2025, ný innrétting og tæki frá HTH. Bílastæði er fyrir fjóra bíla fyrir framan húsið. Leigu íbúð með tveimur svefnherbergjum hefur verið útbúin á neðri hæð hússins.

*** Virkilega fallegt útsýni ***
*** Stór garður ***
*** Fjögur bílastæði ***
*** Auka íbúð ***
*** Mikil lofthæð ***

Nánari upplýsingar veitir:
Arnbjörn Marinósson í síma 822-8574 eða á netfanginu arinbjorn@fastlind.is

Nánari lýsing:
Forstofa er flísalögð. Geymsla er innaf forstofunni sem hægt væri að vera með fataskápa. Þar var áður inngangur í það rými sem breytt hefur verið í auka íbúðina og er hæglega hægt að breyta til baka.
Eldhús var að öllu leyti endurnýjað á síðasta ári. Ný HTH innrétting með steini á borðum og vönduðum tækjum.
Stofa og borðstofa eru saman í björtu og opnu rými, parket er á gólfi sem var pússað upp árið 2024. Gólfsíðir gluggar eru í allri stofunni og er útgengi frá stofu út í garð. Frá borðstofu er útgengi út á yfirbyggðar norð-vestur svalir.
Hjónaherbergi er mjög rúmgott með aukinni lofthæð og góðu skápaplássi.
Barnaherbergi I er á efri hæð. Það er einnig rúmgott og er nýtt sem skrifstofa og sjónvarpsherbergi í dag.
Barnaherbergi II er á neðri hæð hússins. Það er parketlagt og mjög rúmgott.
Barnaherbergi III er einnig á neðri hæðinni og er nýtt sem stofa fyrir leiguíbúð í dag.
Baðherbergi er flísalagt í hólf og gólf, með baðkari sem er einnig sturta í. Innrétting með steinborði og upphengdu salerni.
Geymsla er inn af forstofu. Einnig er geymsluskúr í garðinum.
Bílastæði eru fyrir framan húsið og eru fjögur talsins.
 
Samantekt:
Virkilega falleg eign á frábærum stað á Kársnesinu. Á næstu misserum mun koma brú yfir að Nauthólsvík og tengja Kársnesið við Nauthólsvíkina. Með þessu mun bætast en meira við þær gönguleiðir sem nú þegar eru til staðar. Garðurinn er stórglæsilegur og er sannkallaður veislu og partý garður sem býður upp á mikla möguleika. Húsinu hefur verið vel við haldið og er allt hið smekklegasta jafnt að innan sem utan.

Allir kaupendur okkar fá Vildarkort Lindar. Með því að framvísa kortinu færð þú 30% afslátt hjá samstarfsaðilum: Húsgagnahöllin, S. Helgason, Flugger litir, Húsasmiðjan,
Z brautir og gluggatjöld, Vídd, Parki, Betra bak, Dorma og Sýn.