Aflakór 18

Fasteignasalan TORG kynnir: Virkilega glæsilegt einbýlishús með fallegu útsýni og auka íbúð við Aflakór 18, 203 Kópavogi.  Húsið er skráð 340,6 fm en til viðbótar er óskráð rými um 55 fm sem nýtist sem sjónvarpsherbergi og heima rækt / tómstundarherbergi, samtals um 395,6 fm. Á lóðinni er fallegt útisvæði með heitum potti, verönd, útigeymslum og opnu grænu svæði. Allar nánari upplýsingar veitir Darri Örn Hilmarsson, löggiltur fasteignasali í síma: 767-0000 eða darri@fstorg.is

Nánari lýsing:
Efri hæð: Gengið er inn á efri hæð hússins. Komið er inn í flísalagða forstofu með góðum fataskápum. Úr forstofu er innangent inn í þvottahús og þaðan inn í 34,3 fm bílskúr. Þvottahúsið er með ljósri innréttingu með skolvask. Gert er ráð fyrir þvottavél og þurrkara undir borðplötu. Alrýmið er mjög opið og bjart með stórbrotnu útsýni allt frá Móskarðshnúkum til Snæfellsjökuls. Alrýmið rúmar stofu, borðstofu og opið eldhús. Frá stofu er gengið út á virkilega falleg verönd og sólpall til suðurs og vesturs. Rúmgóð útigeymsla er á veröndinni. Eldhúsið er með fallegri hvítri innréttingu og eyju sem hægt er að sitja við, borðplatan er úr ljósum stein. Eldhúsið er með tveimur bakaraofnum, helluborði, tvöföldum ísskáp með innbyggðum vínkælir og uppþvottavél. Tvö svefnherbergi eru á efri hæðinni, annað þeirra er hjónaherbergið með fataherbergi. Hitt svefnherbergið er mjör rúmgott með fataskáp. Baðherbergi er flísalagt í hólf og gólf, bæði með baðkari og sturtu, upphengdu salerni, fallegri dökkri innréttingu með handlaug og borðplötu úr stein. 

Neðri hæð: Gengið er niður opin og bjartan stiga með hertu gleri á neðri hæð hússins. Þar eru þrjú rúmgóð svefnherbergi. Baðherbergið er flísalagt í hólf og gólf, með upphengdu salerni, sturtu og dökkri innréttingu með handlaug. Stórt óskráð rými sem nýtt er í dag fyrir sjónvarpsherbergi og heima rækt / tómstundarherbergi er um 55 fm. Útgengt er út í bakgarð frá miðrými á neðri hæð. Í bakgarðinum er stórt afgirt grænt svæði og heitur pottur á steyptri verönd. 

Auka íbúð: Gengið er meðfram húsinu austan megin og inn um sér inngang á neðri hæð inn í auka tveggja herbergja íbúð. Alrýmið rúmar eldhús og stofu/borðstofu. Eldhúsið er með ljósri innréttingu og fylgir með bakaraofn, helluborð, innbyggð uppþvottavél og þvottavél í eldhúsi. Baðherbergið er flísalagt í hólf og gólf, með sturtu, upphengdu salerni og ljósri innréttingu með handlaug. Svefnherbergið er mjög rúmgott.

 Allar nánari upplýsingar veitir Darri Örn Hilmarsson, löggiltur fasteignasali í síma: 767-0000 eða darri@fstorg.is