Dalsgerði 2 - D

Fasteignasalan Byggð 464-9955 

Dalsgerði 2 D

Mjög skemmtileg og rúmgóð 5-6 herbergja raðhúsaíbúð á tveimur hæðum á mjög vinsælum stað á efri Brekku. Eignin hefur verið nokkuð endurnýjuð og sérstaklega veröndin vestan við hús. Stutt er í leik- og grunnskóla, verslun, þjónustu og íþróttasvæði KA. 

Eignin skiptist í tvær jafn stórar hæðir, með tveimur forstofum, fjórum svefnherbergjum, stofu, eldhúsi, tveimur baðherbergjum, geymslu og þvottahúsi. 

Efri hæð: 
Forstofa er með dökkar flísar á gólfi og opnu fatahengi.
Eldhús er með kork á gólfi, ljósri eldhúsinnréttingu með flísar á milli efri og neðri skápa og stæði fyrir uppþvottavél og tvöfaldan ísskáp. 
Stofa og hol er með parket á gólfi. Stofa er mjög rúmgóð en hún hefur verið stækkuð á kostnað svefnherbergis sem var í austurenda hennar. Hægt er að breyta því aftur og er þá gengið inn í svefnherbergið við hlið baðherbergis. 
Baðherbergi hefur verið endurnýjað og er flísalagt í hólf og gólf. Þar er baðkar með sturtutækjum, handklæðaofn, góð innrétting í kringum vask og upphengt salerni. Gólfhiti er í rýminu. 
Svefnherbergið á hæðinni er með parket á gólfi.

Neðri hæð: 
Forstofa neðri hæðar er án gólfefna og með opnu fatahengi. 
Gangur er með parket á gólfi og er gengið niður á gang af efri hæð um steyptan parketlagðan stiga. 
Svefnherbergi hæðarinnar eru þrjú, öll með parket á gólfi og tvö af þeim með góðum skápum. Inn af hjónaherbergi er geymsla þar sem hægt væri að útbúa fataherbergi. Skápar eru í hjónaherbergi.
Baðherbergi hæðarinnar er með flísar á gólfi og veggjum að mestu, sturtu, vask með skápaplássi og upphengdu salerni. 
Þvottahús, þar er gólf lakkað, stæði fyrir þvottavél og þurrkara og þá er búið að opna út úr rýminu í áður nefnda gryfju fyrir framan og vestan við hús. Það á eftir að setja varanlega hurð í gatið.

Á undanförnum tveimur árum hefur verönd fyrir framan eignina verið endurnýjuð og steypt gryfja með timbur skjólveggjum, þar sem gert er ráð fyrir heitum potti, lagnir lagðar að og í frárennsli. Þá er hiti í stærstum hluta þess endurnýjaða auk þess sem gert er ráð fyrir hita í bílaplani sem er malbikað. Gert var ráð fyrir hleðslustöð við bílaplan með stærri kappli sem á eftir að tengja inn í töflu. Inntakslagnir fyrir heitt og kalt vatn voru einnig endurnýjaðar að stofni á sama tíma. 

Á baklóð sem snýr til austurs er sólpallur og perlumöl í lóð auk geymsluskúrs.  

Annað:
-Teikningum af skipulagi hæða hefur verið breytt af fasteignasölu til að líkja eftir núverandi skipulagi 
-Eins parket er á öllum rýmum þar sem það á við
-Baðherbergi efri hæðar endurnýjað 2019
-Ljósleiðari
-Þrír inngangar í íbúðina
-Húsið málað að utan 2021
-Botnlangagata
-Frábært útsýni sérstaklega til vesturs

Gjöld sem kaupandi þarf að standa straum af vegna kaupanna:  
1. Stimpilgjald af kaupsamningi - 0.8% af heildarfasteignamati / 1.6% fyrir lögaðila.    (0.4% við fyrstu kaup einstaklinga m.v. að lágmarki 50% eignarhlut).
2. Þinglýsingagjald af kaupsamningi, veðskuldabréfi, veðleyfi o.fl.- kr. 2.700 af hverju skjali.
3. Lántökugjald lánastofnunar -almennt 0,5-1,0% af höfuðstól skuldabréfs (nánari upplýsingar m.a. á heimasíðum lánastofnanna).
4. Umsýsluþóknun til fasteignasölu, sbr.kauptilboð. 


Frekari upplýsingar:
bjorn@byggd.is
greta@byggd.is
berglind@byggd.is
olafur@byggd.is

Skipagötu 16 á 2. hæð.
S:464 9955