Miklabraut 72

Elka lgf. s. 863-8813 og Fasteignasalan TORG kynna einstaklega fallega og töluvert endurnýjaða 3ja herbergja íbúð á 2. hæð í góðu fjölbýli við Miklubraut 72.
Íbúðin er 65 m² og skiptist í forstofuhol, stofu, eldhús og borðstofu í opnu rými, tvö svefnherbergi og baðherbergi. Búið er að setja upp nýtt eldhús í stofu og útbúa auka svefnherbergi þar sem áður var eldhús.
Íbúðin hefur verið töluvert mikið endurnýjuð, til að mynda var baðherbergi tekið í gegn frá a–ö og allar neysluvatnslagnir endurnýjaðar, bæði í sameign og séreign, ásamt frárennsli.
Íbúðinni fylgir þinglýstur sérafnotaréttur að bílastæði á norð-austur hluta lóðarinnar.  Íbúðin er tilbúin til afhendingar við undirritun kaupsamnings.
Nánari upplýsingar veitir Elka Guðmundsdóttir, fasteignasali, í síma 863-8813, tölvupóstur elka@fstorg.is

Nánari lýsing:
Komið er inn í forstofugang en þaðan er gengið í aðrar vistarverur íbúðarinnar.  Skápar í forstofu.
Stofa, borðstofa og eldhús eru í sama rými sem er opið og bjart með stórum og fallegum gluggum á tvo vegu. Nýleg innrétting.
Hjónaherbergið er stórt og með nýlegum skápum.
Baðherbergið var allt endurnýjað í lok árs 2025 af fagaðilum. Nýjar lagnir, nýtt frárennsli, ný tæki, nýjar flísar, nýr handklæðaofn og ný innrétting. Baðherbergið er flísalagt með góðri „walk-in“ sturtu. Í baðherberginu er hringlaga gluggi sem setur fallegan svip á rýmið.
Á öllum gólfum er gegnheilt kubbaparket úr eik sem hefur verið pússað og lakkað.
Í sameign er 4,9 m² sérgeymsla og sameiginlegt þvottahús.

Fjölbýlið er í góðu ástandi og hefur verið mikið endurnýjað, til að mynda var skipt um allar neysluvatnslagnir og frárennsli (stamma) í lok árs 2025. Raflagnir (að hluta) og öryggi í töflu voru endurnýjuð árið 2023.  Þak endurnýjað 2018 og 2022.
Íbúðinni fylgir þinglýstur sérafnotaréttur að bílastæði á norð-austur hluta lóðarinnar.

Mjög falleg og vel skipulögð íbúð á vinsælum stað í Hlíðunum í göngufæri við miðbæ Reykjavíkur. Stutt í helstu þjónustu og verslanir, leikskóla, grunn- og framhaldsskóla.
Hér þarf ekkert að gera annað en flytja inn  – eign sem vert er að skoða.

Nánari upplýsingar veitir Elka Guðmundsdóttir, fasteignasali, í síma 863-8813, tölvupóstur elka@fstorg.is




Um skoðunar- og aðgæsluskyldu:
Í lögum um fasteignakaup nr. 40/2002 er kveðið á um ríka skoðunarskyldu kaupenda á fasteignum. Væntanlegum kaupendum er bent á að kynna sér vel ástand fasteigna við skoðun og fyrir tilboðsgerð og ef þurfa þykir að leita til sérfræðinga um nánari ástandsskoðun. Almennt getur kaupandi ekki borið fyrir sig að ástand eignar sé annað en það sem hann hefði mátt sjá við slíka skoðun.

Forsendur söluyfirlits:
Söluyfirlit er samið af fasteignasala í samræmi við ákvæði laga nr. 70/2015. Þær upplýsingar sem fram koma í söluyfirliti þessu eru sóttar í opinberar skrár, til seljanda sjálfs og eftir atvikum til húsfélags. Seljandi veitir upplýsingar um eign í samræmi við upplýsingaskyldu laga um fasteignakaup nr. 40/2002, og ábyrgist að þær séu réttar. Fasteignasali sannreynir að þær upplýsingar séu réttar með sjónskoðun á eigninni. Fasteignasali getur ekki fullyrt um ástand og eiginleika þeirra hluta fasteigna sem ekki eru aðgengilegir og sjást ekki berum augum, t.d. lagnir, dren, skólp og þak. Það sama á við um staðhæfingar seljanda eignar um viðhald og einstaka framkvæmdir.

Almennt um fylgifé íbúðarhúsnæðis:
Til fylgifjár íbúðarhúsnæðis teljast varanlegar innréttingar og búnaður sem annaðhvort er skeytt varanlega við fasteignina eða er sérstaklega sniðinn að henni. Þetta á meðal annars við um fastan búnað og lagnir til hitunnar og vatnsmiðlunar, rafmagnsvirki og leiðslur, loftnet og annan móttökubúnað í eigu seljanda, sem fest eru á fasteign, föst gólfteppi og önnur gólfefni sérstaklega tilsniðin, gluggabúnað, bað- og eldhúsinnréttingar og tæki og vélar sem eru sérstaklega felld inn í innréttingarnar og verða hluti af þeim og aðra innbyggða hluta.

Gjöld sem kaupandi þarf að standa straum af vegna kaupanna:
Stimpilgjald af kaupsamningi sem er hlutfall af fasteignamati. Stimpilgjald er 0,8% fyrir einstaklinga (0,4% við fyrstu kaup) og 1,6% fyrir lögaðila.
Þinglýsingargjald af kaupsamningi, veðskuldabréfum, veðleyfum o.fl. Þinglýsingargjald er kr. 3.800,- fyrir hvert skjal.
Lántökugjald lánastofnunar. Um lántökugjald vísast í gjaldskrá viðkomandi lánveitanda.
Umsýsluþóknun fasteignasölu skv. gjaldskrá.