Asparfell 6

Virkilega falleg og björt 52,9 fm 2ja herbergja íbúð á þriðju hæð í snyrtilegri lyftublokk. Íbúðin hefur nýlega verið endurnýjuð að einhverjum hluta að innan. Svo sem skipt um gólfefni á alrými og svefnherbergi. Eldhús endurnýjað að mestu leiti. Skipt um raflagnaefni (tengla og rofa).  Íbúð sem getur verið laus við kaupsamning.
Viðhaldi hússins hefur verið vel viðhaldið m.a. var farið í stórar framkvæmdir á gluggum, múr og þaki árið 2022 til 2023. Einnig var nýlega komið fyrir djúpgámum á bílastæði.

Stutt er í alla almenna þjónustu hvort sem er í göngufæri eða með strætisvagnasamgöngum, leik- og grunnskólar í göngufæri ásamt líkamsrækt, sundlaug, bókasafni og íþróttaiðkun

Forstofa með fatskáp.
Stofan er mjög björt og þaðan er útgengt á rúmgóðar suðursvalir.
Eldhús er við inngang íbúðar. Skipt var um hluta af innréttingu og sett ný borðplata ásamt eldhústækjum. Stofan er opin að hluta til inn að stofu. 
Svefnherbergið er rúmgott með góðum glugga sem nýlega var skipt um. Fataskápur er í herberginu. 
Baðherbergi er með flísum á gólfi og baðkar með sturtuaðstöðu.
Þvottahús er í sameign á hæðinni.
Geymsla er í sameign í kjallara.
Hjóla- og vagnageymsla í sameign.

Saga húsfélagsins:
Farið var í framkvæmdir 2022-2023 fyrir ca. 330.000.000 kr á húsinu 2-12.
-Ca. 300.000.000 kr. framkvæmdir við glugga, múr og þak, auk málunar.
-Ca. 25.000.000 kr. framkvæmdir við djúpgáma.
-Rest fór í að gera upp íbúðir sem húsfélagið á.