Fasteignamarkaðurinn ehf. s: 570-4500 kynnir til sölu 271,5 fermetra einbýlishús á tveimur hæðum með möguleika á aukaíbúð í kjallara auk 31,1 fermetra frístandandi bílskúrs á mjög fallegum, eftirsóttum og rólegum stað við opið svæði við Melaheiði í Kópavogi. Mögulegt væri að innrétta aukaíbúð í hluta eða öllum kjallara hússins.
Eignin verður sýnd skv. tímapöntunum.
Lýsing eignar:
Hér er um að ræða fasteignina nr. 17 við Melaheiði í Kópavogi, sem er einbýlishús á tveimur hæðum, kjallari og hæð, 271,5 fermetrar að stærð auk 31,1 fermetra bílskúrs.
Eignin skiptist þannig:
Aðalhæð: Forstofa flísalögð og með fatahengi. Barnaherbergi I, innaf forstofu, parketlagt. Gestasnyrting, flísalagt gólf og veggir. Hol, parketlagt. Stofa, parketlögð, björt og rúmgóð með miklum gluggum til suðurs og útgengi á flísalagða rúmgóða og skjólsæla verönd til suðurs og þaðan niður á lóð. Eldhús, korklagt og mjög rúmgott með góðri borðaðstöðu og fallegu útsýni til norðurs. Upprunalegar fallegar innréttingar með viðarborðplötu, flísum á milli skápa og tengi fyrir uppþvottavél. Búr, innaf eldhús, korklagt, gluggi og hillur. Svefngangur, parketlagður. Barnaherbergi II, parketlagt og rúmgott með innbyggðum fataskápum ( á teikningum tvö herbergi). Barnaherbergi III, dúklagt og með innbyggðum fataskápum. Baðherbergi, með glugga, dúklagt gólf og flísalagðir veggir, innrétting og baðkar. Hjónaherbergi, parketlagt og með innbyggðum fataskápum.
Kjallari, sem bæði er innangengt í úr eldhúsi um steyptan og dúklagðan stiga og einnig er með tveimur sérinngöngum af fram- og baklóð skiptist þannig: Forstofa / hol við inngang af baklóð er rúmgott, flísalagt. Þvottaherbergi, rúmgott og með glugg, flísalagt gólf, vinnuborð og vaskur. Inntaksrými, innaf þvottaherbergi, flísalagt gólf, gluggi og sturta. Hol, flísalagt og rúmgott. Snyrting, flísalagt gólf. Herbergi, dúklagt. Geymsla, með hillum. Stofa, stór, harðparketlögð. Alrými með stofu og eldhúsi, harðparketlagt og með útgengi á framlóð um tvöfalda hurð. Innrréting í rýminu er ljós spónlögð og tæki virðast nýleg. Herbergi, innaf alrými, parketlagt og með fataskápum.
Bílskúr, sem er frístandandi á lóð, er 31,1 fermetri að stærð, einangraður, upphitaður og bæði með gluggum og göngudyrum. Rafmótor er á bílskúrshurð og gryfja er í bílskúr.
Húsið að utan lítur ágætlega út sem og þakjárn, þakkantur, gler og gluggar. Þó þarf að fara að huga að einhverjum múrviðgerðum og eins þarf amk að skipta um nokkur gler í húsinu. Bílskúr lítur ágætlega út að utan.
Lóðin, sem er 640,0 fermetrar að stærð, er leigulóð frá Kópavogsbæ, með hellulögðum stéttum og innkeyrslu á framlóð auk tyrfðrar flatar og tjárgróðurs. Baklóð er tyrfð og á henni er lítill heitur pottur.
Staðsetning eignarinnar er virkilega góð á eftirsóttum og rólegum útsýnisstað við opið svæði þaðan sem stutt er í leikskóla, skóla, verslanir og þjónustu.
Allar nánari upplýsingar veittar á skrifstofu Fasteignamarkaðarins ehf. í síma 570-4500 eða á netfanginu fastmark@fastmark.is