Leifsstaðabrúnir 13a

Leifsstaðabrúnir 13a - Glæsilegt og sérlega vandað sumarhús/heilsárshús á tveimur hæðum á fallegri eignarlóð (3050 m²) úr landi Leifsstaða í Vaðlaheiðinni - skráð stærð 169,7 m²
Húsið afhendist má segja tilbúið fyrir innréttingar og gólfefni en búið er að innrétta neðri hæðina.

Eignin skiptist með eftirtöldum hætti, 
Neðri hæð: Baðherbergi, þrjár geymslur (ein útigeymsla), svefnherbergi, gangur, þvottaaðstaða og bílskúr sem búið er að skipta upp í tvö rými. 
Efri hæð: Forstofa, eldhús, borðstofa, stofa, hjónaherbergi og baðherbergi. 

Húsið er timburhús byggt ofan á steypta neðri hæð og er steypt plata á milli hæða. 
Neðri hæðin er einangruð að innan og utan og steinuð að utan. Efri hæðin er klædd með lerki. 
Þakið er hefðbundið sperruþak klætt með Aluzink (bárujárni). Einangrunin liggur ofan á loftaplötunni. 

Efri hæðin er tilbúin fyrir innréttingar, gólfefni og loftadúk. Búið er að koma fyrir öllum lögnum og setja upp leiðara fyrir loftadúk. Innfelld lýsing er í öllum rýmum á hæðinni.
Neðri hæðin er innréttuð sem 2ja herbergja íbúð og geymslur. Þar eru álgluggar og 2,7 metra lofthæð. 
Bílskúr er með innkeyrsluhurð og sér gönguhurð. Gólf er steypt. Léttur veggur skiptir bílskúrnum upp í tvö rými og í innra rýminu er í dag vínyl parket á gólfi, ljós eldhúsinnrétting sjónvarpshorn. 
Gangur og þvottaaðstaða eru með vínylparketi á gólfi og hurð út til suðurs. Steyptur stigi er af ganginum og upp á efri hæð. 
Svefnherbergið er með vínylparketi á gólf og skemmtilegum bogadregnum glugga. 
Baðherbergi er með vínylparketi á gólfi, innréttingu, upphengdu wc og flísalagðri sturtu. Við hliðina á baðherberginu eru geymsla en þar er gert ráð fyrir að hægt sé að setja sauna.

Annað
- Gólfhiti er í öllum rýmum á báðum hæðum að útigeymslu undanskildri.
- Öll raflögn er full frágengin en eftir er að setja ramma/fronta á tengla á efri hæð. 
- Svalir eru með austur, suður og vesturhlið hússins, um 80 m² og klæddar með lerki. 
- Útigeymsla verður einangruð að innan, múruð og með vængjahurð.
- Rúmgott bílaplan með möl í.
- Mjög gróin og skjólgóð lóð.