Sléttahraun 18

Einstaklega fallegt og vel skipulagt einbýlishús á tveimur hæðum auk kjallara og bílskúrs á þessum fjölskylduvæna stað að Sléttahrauni í Hafnarfirði. Á aðalhæðinni er eldhús og tvær stofur. Á annarri hæð eru fjögur svefnherbergi og baðherbergi. Í kjallara er vinnuaðstaða, þvottahús og geymslur, þar af ein mjög rúmgóð geymsla með gluggum sem er notuð sem svefnherbergi. Kjallarinn er með sérinngangi sem býður upp á ýmsa möguleika. Falleg hraunlóð með palli og hellulögn. Húsið hefur fengið gott viðhald og mikið endurnýjað síðustu ár. Seljandi skoðar skipti á minni eign. 

Eignin er skráð skv. Þjóðskrá Íslands 286,6 fm. og þar af er bílskúr skráður 24,5 fm. 

Nánari lýsing:
Forstofa rúmgóð með hita í gólfi og nýlegum flísum. Úr forstofu er gengið niður í kjallara og inn í rúmgott hol.
Gestasalerni er innaf forstofu með upphengdu salerni og flísum á veggjum og gólfi. 
Hol með fallegum steyptum stiga og innangengt er í eldhúsið og góðar stofur.
Eldhús er rúmgott og bjart, góður eldhúskrókur, eikar eldhúsinnréttingu, tengi fyrir uppþvottavél og ofnar í vinnuhæð.  Í eldhúsinu er gólfhiti og flísar á gólfi. Úr eldhúsi er opið yfir í borðstofu og stofu. 
Stofa/borðstofa með góðri lofthæð, innfelld lýsing í lofti og stór gluggi gerir rýmið bjart og fallegt. Niðurlímt, gegnheilt parket.
Sjónvarpsstofa er björt og rúmgóð með innfelldri lýsingu. Niðurlímt, gegnheilt parket. Útgengt er út í bakgarð þar sem hellulögð verönd liggur meðfram húsinu. 

Efri hæð
Gengið er upp fallegan stiga upp á efri hæð hússins. 
Hjónaherbergi mjög rúmgott með góðu skápaplássi og með gegnheilu parketi. Úr hjónaherbergi er útgengt út á rúmgóðar svalir. 
Svefnherbergi eru þrjú, öll með fataskápum og gegnheilu parketi. 
Baðherbergi hefur verið endurnýjað með innangengri sturtu, góðri innréttingu, upphengt salerni, gluggi og hiti í gólfi. Flísalagt í hólf og gólf. 

Kjallari með sérinngangi
Þvottaherbergi er rúmgott með góðu skápaplássi, þvottavél og þurrkari í vinnuhæð, boðplata með vask, gluggar og flotað gólf. 
Herbergi með teppi á gólfi. 
Geymslurými er mjög gott á hæðinni og er einnig óútgrafið rými í kjallar sem býður upp á ýmsa möguleika. 
Sérinngangur er inn í kjallarann en ekki er full lofthæð.  

Bílskúr er rúmgóður með rafmagni, heitu og köldu vatni og upphitaður. Bílskúrshurð með bílskúrshurðaropnara. Útgengt er úr bílskúrnum út í bakgarð hússins. Hellulagt bílaplan. 

Lóðin er falleg hraunlóð sem umlykur húsið að hluta ásamt hellulagðri verönd sem liggur meðfram húsinu að bakatil. Nýlegur pallur og kassar til ræktunar.

Viðhald síðustu ára: 
Drenað að hluta og töppur múraðar 2018
Nýjar flísar og gólfhiti í anddyri 2019
Pallar í garði 2019
Nýjir ofnar í stofu 2020
Endurnýjað baðherbergi á efri hæð 2021
Nýjir gluggar í svefnherbergjum á suðaustur hlið og norðvesturhlið, auk baðhergis og sjónvarpsherbergis. Einnig nýr gluggi og neyðarútgangur í svefnherbergi í kjallara 2023
Nýtt þak 2024
Múrviðgerðir og húsið málað 2025
Skólpviðgerð júní 2026

Einstaklega fallegt og vel staðsett fjölskylduhús þar stutt er í alla þjónustu.

Allar nánari upplýsingar veitir Guðbjörg G. Sveinbjörnsdóttir löggiltur fasteignasali í síma 8995949 eða á netfanginu gudbjorg@trausti.is.