Dimmustaðir 3

BYR fasteignasala kynnir í einkasölu DIMMUSTAÐIR 3, Ölfus.
Nýtt einbýlishús á einni hæð með innbyggðum bílskúr á eignarlóð í Ölfusi, rétt sunnan við Hveragerði. 
Eignarlóð á svæði sem er í uppbyggingu rétt sunnan við Hveragerði stutt er í alla helstu þjónustu sem og í höfuðborgina. Ýtið hér fyrir staðsetningu. 

Húsið er timburhús á steyptum grunni, byggt árið 2022, skiptist í einbýli 141,1 m² og bílskúr 50,5 m² samtals 191,6 m² að stærð samkvæmt skráningu Þjóðskrár Íslands.
Skipulag eignar samkvæmt teikningu: Anddyri, alrými með stofu, borðstofu og eldhúsi, hjónasvíta með baðherbergi og fataherbergi inn af, svefnherbergi, baðherbergi, þvottahús og bílskúr.  
** möguleiki er á að bæta við einu eða tveimur svefnherbergjum. 

Nánara skipulag:
Anddyri með flísum á gólfi.
Alrými með stofu, borðstofu og eldhúsi, þaðan er útgengt í garð til suðurs, þar er búið að setja hólka og jafna til að leggja timburverönd.
Eldhús, rúmgóð innrétting með eyju. Borðplata Akrýlsteinn frá Fanntófell, vaskur, 78 cm spanhelluborð, ofn og örbylgjuofn í vinnuhæð, Electrolux uppþvottavél, kæli og frystiskápur.
Svefnherbergin eru tvö. 
Hjónasvíta með baðherbergi og fataherbergi, rennihurð er út í garð frá hjónaherbergi. Baðherbergi er flísalagt í hólf og gólf, vaskinnrétting, vegghengt salerni og sturta, gluggi.  
Svefnherbergi án fataskápa. 
Baðherbergi er flísalagt í hólf og gólf, þaðan er útgengt í garð. Vegghengt salerni, hanklæðaofn og sturta.
Þvottahús er innst á gangi, þaðan er innangengt í bílskúr og útgengt út í garð.
Bílskúr, með bílskúrshurð og gönguhurð. Möguleiki er á að stúka af herbergi innst í bílskúr. 
Gólfefni: Harðparket 12 mm er á alrými, gangi og svefnherbergjum. Flísar frá Álfaborg eru á baðherbergjum, anddyri og þvottahúsi. Gólf bílskúrs er yfirborðslokað, ólakkað. 
Gólfhiti er í allri eigninni. Gólfhitastýringar fylgja ekki. Gólfhiti er ísteyptur í botnplötu ásamt neysluvatnslögnum. Ídráttarrör er til staðar fyrir heitan pott við útgang úr baðherbergi.
Innfelld lýsing er í öllum rýmum nema þvottahúsi og bílskúr. Berker rofar og tenglar. Hússtjórnarkerfi frá Ískraft.

Húsið er einbýlishús á einni hæð byggt úr timbri á steyptum grunni. Að utanverðu er klæðning útveggja slétt álklæðning ásamt standandi viðarklæðningu. Þak er lektað með öndunardúk og klætt lituðu aluzink. Tvöföld öndun er á þaki. Gluggar eru ál/tré gluggar frá Gluggatækni, dökkir að lit. Lóð er grófjöfnuð að hluta og tyrfð að hluta, með mulning í bílaplani, pláss fyrir þrjár bifreiðar.
Timburverönd er sunnan við húsið. Þar er lagnaleið fyrir heitan pott. Gert ráð fyrir að hægt sé að setja upp hleðslustöð fyrir rafbíla, lagnaleið er til staðar. Demantur (rotþró) er staðsettur suð-austan við húsið. 
Púði fyrir u.þ.b.30 m² gestahús (sjá teikningu í auglýsingu) stendur við vesturhorn hússins við enda á fyrirhugðari verönd. Lagt er fyrir hita og rafmagn í gestahús. Húsinu fylgja þrír gluggar í gestahús og rennihurð með læsingu að utanverðu.

Lóðin er gróin eignarlóð 6364,8 m² að stærð og stendur í einungis 1,5 km fjarlægð frá miðbæ Hveragerðis, sunnan Hveragerðis, austan við Þorlákshafnarveg (nr. 38). Sjá í landeignaskrá land númer 230-937 

Á byggingarreit lóðarinnar er heimilt að byggja allt að 220 m² íbúðarhús og bílskúr, sambyggt eða hvort í sínu lagi. Þá er heimilt að byggja allt að 80 m² gestahús eða annan bílskúr. Heildarbyggingarmagn getur verið allt að 300 m².
Ef ekki er byggt gestahús má íbúðarhús og bílskúrar vera allt að 300 m². samkvæmt deiliskipulagi.  Sjá deiliskipulag hér.  Dimmustaðir í Ölfusi, deiliskipulag. Deiliskipulag greinagerð sjá hér. 
Fornminjar-tóftir og fornminjar- garður ásamt helgunarsvæði fornminja eru við enda lóðamarka til austurs og suðurs, samkvæmt deiliskipulagi dagsett 30.9.2021.