Skriðuvellir 10

Lögmannsstofa Ólafs Björnssonar kynnir eignina Skriðuvelli 10, 880 Kirkubæjarklaustur, nánar tiltekið eign merkt 01-01, fastanúmer 251-2307 ásamt öllu því sem eigninni fylgir, þar með talið tilheyrandi lóðar og sameignarréttindi. Birt stærð eignarinnar skv. HMS. er 117.0m². Eignin stendur á 387m² leigulóð með gildandi leigusamning til 1. júní 2071.

Um er að ræða 117 m2 íbúð með bílskúr í parhúsi sem verður tilbúin til afhendingar u.þ.b. 20. apríl 2025. Birt stærð íbúðarhluta eignarinnar er 86m² og birt stærð bílskúrs er 31m² eða samanlagt 117m².  Að innan skiptist eignin í anddyri, þvottahús, baðherbergi, stofu, eldhús, 2-3 svefnherbergi (þriðja svefnherbergið er skráð sem geymsla) og sambyggðan bílskúr. Innangengt er í bílskúr í gegnum þvottahús. Húsið er timburhús byggt ofan á steypta sökkla og steypta botnplötu. Að utan er húsið klætt með hvítri láréttri bárujárnsklæðningu og standandi panelklæðningu undir og yfir gluggum sem máluð er með rauðviði, en hvítri timburklæðningu undir þakkanti. Útiljós eru tengd og komin í þakkant skv. raflagnateikningu. Þakrennur og niðurföll frá þeim tengd fráveitukerfi. Ídráttarrör fyrir heitan pott eru komin út í lóð. Lóð verður fullgerð sumarið 2025. Möl er í bílaplani. Ruslatunnuskýli úr gagnvörðu timbri.
 
Að innan er íbúðin fullbúin með plastparketi á gólfum í íbúð, nema í þvottahúsi, baðherbergi og forstofu þar eru flísar á gólfum.  Gólf í bílskúr er málað með viðurkenndri gólfmálningu. Innihurðir skv. teikningu og eldvarnarhurð milli þvottaherbergis og bílskúrs.  Út- og innveggir eru klæddir með gifsi og málaðir hvítir. Tveir veggir á baðherbergi eru klæddir með Fibo trespo plötum frá Þ.Þorgrímsson. Á þeim veggjum er handlaug, upphengt salerni og sturtuklefi í horni. Loftaþiljur í loftum, nema í bílskúr sem er tvöfalt gifs, málað hvítt. Eldhúsinnrétting er frá Ikea og sömuleiðis innréttingar á baðherbergi og þvottaherbergi. Í eldhúsi er helluborð, veggofn og örbylgjuofn í innréttingu. Útblástursviftur eru á baðherbergi og þvottaherbergi og háfur í eldhúsi.  Fataskápar í báðum svefnherbergjunum. Húsið er kynt með varmadælu og gólfhita og er sá búnaður fullfrágenginn. Sama varmadæla sér fyrir heitu neysluvatni.

Raflagnir eru fullfrágengnar skv. teikningu. Neysluvatnslagnir eru fullfrágengnar sem og frárennslislagnir.  Gatnagerðargjöld, inntaksgjald rafmagns, vatns og ljósleiðara verða að fullu greidd.

Skipulagsgjald kemur til greiðslu síðar og er ógreitt við afhendingu. Kaupandi skal standa kostnaði af skipulagsgjaldi, sem er 0,3% af brunabótamati, þegar það verður lagt á eignina.

Myndir af eigninni í fasteignaauglýsingu eru úr Skriðuvöllum 8 sem er spegilmynd af 10. Seljandi vekur athygli á að litir á parket, flísum og innréttingum kunna að breytast frá myndum en verður skilað í svipuðum dúr.

Skoðunarskylda kaupanda og upplýsingaskylda seljanda:
Í lögum um fasteignakaup nr. 40/2002 er kveðið á um ríka skoðunarskyldu kaupenda á fasteignum. Fasteignasalan bendir væntanlegum kaupendum á að kynna sér vel ástand fasteigna við skoðun og fyrir tilboðsgerð og ef þurfa þykir að leita til sérfræðinga um nánari ástandsskoðun. 

Forsendur söluyfirlits:
Söluyfirlit er samið af fasteignasala í samræmi við ákvæði laga nr. 70/2015. Þær upplýsingar sem fram koma í söluyfirliti þessu eru sóttar í opinberar skrár, til seljanda sjálfs og eftir atvikum til húsfélags.
Seljandi veitir upplýsingar um eign í samræmi við upplýsingaskyldu laga um fasteignakaup nr. 40/2002. Fasteignasali sannreynir að þær upplýsingar séu réttar með sjónskoðun á eigninni.
Fasteignasali getur ekki fullyrt um ástand og eiginleika þeirra hluta fasteigna sem ekki eru aðgengilegir og sjást ekki berum augum, t.d. lagnir, dren, skólp og þak.

Gjöld sem kaupandi þarf að standa straum af vegna kaupanna:
1. Stimpilgjald af kaupsamningi sem er hlutfall af fasteignamati. Stimpilgjald er 0,8% fyrir einstaklinga (0,4% við fyrstu kaup) og 1,6% fyrir lögaðila.
2. Þinglýsingargjald af kaupsamningi, veðskuldabréfum, veðleyfum o.fl. Þinglýsingargjald er kr. 2.700,- fyrir hvert skjal.
3. Lántökugjald lánastofnunar í samræmi við gjaldskrá viðkomandi lánveitanda.
4. Umsýslugjald kaupanda er kr. 50.000 auk vsk. 
5. Þegar um nýbyggingu er að ræða greiðir kaupandi skipulagsgjald, 0,3% af endanlegu brunabótamati, þegar það er lagt á af viðkomandi sveitarfélagi.