Hæðarbyggð 5

Fasteignasalan TORG kynnir: Stórt einbýlishús á tveimur hæðum með möguleika á auka íbúð við Hæðarbyggð 5, 210 Garðabæ. Eignin er skráð 374,4 fm og skiptist í sex svefnherbergi, þrjú baðherbergi, tvö eldhús, tvær stofur, sjónvarpskrók, föndurherbergi, þvottahús og stóran bílskúr með tveimur geymslum. Allar nánari upplýsingar veitir Darri Örn Hilmarsson, löggiltur fasteignasali, í síma 767-0000 eða tölvupósti: darri@fstorg.is 

Nánari lýsing: 

Efri hæðið er skráð 187,2 fm. Gengið er upp stiga að utanverðu og inn á efri hæð hússins. Stofan og borðstofan er virkilega stór og rúmgóð. Frá borðstofu er gengið inn i eldhúsið sem er með ljósri viðar innréttingu. Þvottahúsið er inn af eldhúsinu en frá þvottahúsi er útgengi út á timbur svalir. Sér sjónvarpskrókur er síðan við svefnherbergisganginn en þar eru fjögur svefnherbergi. Hjónaherbergið er mjög rúmgott með miklu skápaplássi og útgengi út á viðar svalir. Inn af hjónaherbergi er stórt baðherbergi með baðkari og sturtu, upphengdu salerni og handlaug. Annað baðherbergi er samliggjandi hinum megin við baðherbergisvegginn en þar er lítið gesta salerni með salerni og handlaug. Með breytingum væri hægt að bæta við sturtu. Frá anddyri er síðan stigi á neðri hæðina.

Neðri hæð er skráð 108,1 fm. Gengið er inn í yfirbyggð svæði fyrir framan bílskúr og anddyri neðri hæðar. Frá anddyri liggur stigi upp á efri hæð hússins. Í dag er opið milli hæða en auðveldlega er hægt að búa til sér íbúð á neðri hæðinni. Inn af anddyri er síðan opið rými sem er skráð sem föndur herbergi en þaðan er hægt að ganga út í bakgarð. Baðherbergið á neðri hæðinni er frekar rúmgott en en það er með sturtu, salerni og hvítri innréttingu með handlaug. Sér eldhús er á neðri hæðinni með hvítri innréttingu. Svefnherbergin eru tvö og er annað þeirra mjög rúmgott með miklu skápaplássi. Stofan og borðstofan er síðan frekar rúmgóð. Frekar lágt er til lofts að hluta á neðri hæð.  

Bílskúrinn er skráður 79,1 fm en búið er að stúka hann af að hluta fyrir tvær geymslur.  

Allar nánari upplýsingar veitir Darri Örn Hilmarsson, löggiltur fasteignasali, í síma 767-0000 eða tölvupósti: darri@fstorg.is