Borgarhraun 30

BYR fasteignasala kynnir í einkasölu BORGARHRAUN 30 , 810 Hveragerði.
Fimm herbergja einbýlishús á einni hæð með tvöföldum bílskúr innst í botnlanga í grónu hverfi í Hveragerði. Ýtið hér fyrir staðsetningu.
Húsið er byggt árið 1987 með bílskúr byggðum árið 1990.  Stærð íbúðar 145.3 m², bílskúrs 48.8 m² samtals 194.1 m² samkvæmt skráningu HMS.
Skipulag eignar: Anddyri, eldhús, stofa og borðstofa, hol, fjögur svefnherbergi, baðherbergi, gangur, þvottahús, tvöfaldur bílskúr og geymsluskúr. 

Nánari lýsing: 
Anddyri, hol er innan við anddyri. 
Eldhús, AEG spanhelluborð, háfur, sjálfhreinsandi ofn í vinnuhæð og uppþvottavél. Eldhúsinnrétting er rúmgóð, gert er ráð fyrir amerískum ísskáp, rúmgóður borðkrókur. Frá eldhúsi er innangengt í þvottahús. 
Stofa, borðstofa og hol eru í samliggjandi rýmum. Upptekið loft er í stofu og borðstofu. Útgengt er úr borðstofu út á timburverönd til suðurs, þar er heitur pottur. 
Gangur liggur frá holi að svefnherbergjum þar eru innbyggðar hillur. 
Svefnherbergin eru fjögur.
Hjónaherbergi er með fataskápum yfir heilan vegg, útgengt er úr hjónaherbergi út á timburverönd til suðurs. 
Barnaherbergin eru þrjú, hálfopið er á milli hjónaherbergis og eins barnaherbergjanna (það var áður nýtt sem fataherbergi).
Baðherbergi, rúmgóð vaskinnrétting, baðkar, sturta, salerni, flísar á veggjum við baðkar og í sturtu, flísar á gólfi. 
Þvottahús, innrétting, borð með vaski, gluggi, frá þvottahúsi er lúga uppá loft. Útgengt er úr þvottahúsi. 
Bílskúr, tvær bílskúrshurðar, útgengt er úr bílskúr um gönguhurð á hlið hans. Uppsett hleðslustöð á bílskúr fylgir ekki. 
Gólfefni: Parketflísar á anddyri. Harðparket á stofu, borðstofu, eldhúsi, gangi og svefnherbergjum. Flísar á baðherbergi og þvottahúsi. Vegghengdar hillur og snagar fylgja ekki. 

Húsið er timburhús á einni hæð. Lóð er fullfrágengin. Hellulögð stétt er að húsi, steypt bílaplan er framan við bílskúr. Húsið stendur innst við botnlanga.
Geymsluskúr u.þ.b. 14 m² stendur við inngang hússins. Inntök hússins eru á austurhlið hússins. Timburverönd með skjólveggjum er að sunnanverðu á lóð, þar er heitur pottur. Lóðin er 758,0 m².

Skráning eignar samkvæmt fasteignayfirliti HMS.
Stærð: Íbúð 145.3 m². Bílskúr 48.8 m². Samtals 194.1 m².
Brunabótamat: 81.450.000 kr.
Fasteignamat: 84.700.000 kr
Byggingarár: Íbúð 1987. Bílskúr 1990.
Byggingarefni: Timbur.