Skógarhjalli 3

Nýtt í sölu - Skógarhjalli 3 Kópavogi - Bókið skoðun.

Lind fasteignasala / Heimir Hallgrímsson lögg. fasteignasali kynnir afar fallegt og bjart 5-6 herbergja parhús (3 svefnherbergi, tvær stofur og 30 fm rými með stórum gluggum sem er hægt að breyta í herbergi) á tveimur hæðum í fjölskylduvænni lokaðri götu við Skógarhjalla í Kópavogi. Húsið er byggt árið 1990 og er alls 238,1 fermetrar að stærð (þá meðtalið 30 fm óskráð rými undir bílskúr) og þar af 30,0 fermetra bílskúr. Birtir fermetrar skv. fasteignaskrá er 208,1 fm. Húsið ber þess merki að hafa fengið gott viðhald í gegnum árin. M.a. var þakið málað og þak yfir sólstofu endurnýjað nýlega. Þá er búið að endurnýja allt gler á efri hæð og í sólstofu.

Húsið er afar sjarmerandi og vel skipulagt. Húsið skiptist þannig að á aðalhæð (efri hæð) er forstofa, gestasnyrting, stofur, eldhús, svalir til suðvesturs og bílskúr. Á neðri hæð er fjölskyldurými, baðherbergi, þrjú svefnherbergi, þvottaherbergi og gott 30 fm rými undir bilskúr með stórum gluggum inn í bakgarð hússins.

Virkilega falleg og skjólgóð lóð (421,0 fm) sem snýr að mestu til suðurs og vesturs. Afgirt lóð með stórri viðarverönd þar sem við tekur tyrfð lóð og fallegur trjágróður. Hellulögð stétt fyrir framan hús og bíslkúr með snjóbræðslu. Steyptur stigi frá stétt að framanverðu niður í bakgarð með snjóbræðslu. Auk þess eru falleg beð með trjágróðri fyrir framan hús

Nánari lýsing:
Neðri hæð:
Forstofa: Er rúmgóð með flísum á gólfi, skápum og aukinni lofthæð.
Gestasnyrting: Með flísum á gólfi og innréttingu við vask. Góðir skápar, salerni og gluggi til norðurs.
Stofa: Er stór og glæsileg með aukinni lofthæð. Stofa er með gegnheilu parketi á gólfi og rúmar vel setustofu og borðstofu líkt og myndir gefa til kynna. Gluggar til suðvesturs og útgengi á svalir.
Svalir: Snúa inn í skjólgóðan bakgarð hússins til suðvesturs.
Eldhús: Með gegnheilu parketi á gólfi og fallegri eldhúsinnréttingu með steini á borðum. Gluggar til vesturs og norðurs. Aukin lofthæð og góður borðkrókur. Stál Electrolux bakaraofn, keramik helluborð, stál háfur, tengi fyrir uppþvottavél og lýsing undir efri skápum. 

Neðri hæð: Gengið er niður glæsilegan steyptan parketlagðan stiga með fallegu handriði.
Sjónvarpshol/fjölskyldurými: Er rúmgott, með flísum (gólfhita) og aukinni lofthæð. Afar falleg gluggahlið til suðvesturs inn í bakgarð og með útgengi í bakgarð. 
Sólskáli: Er staðsettur undir bílskúr með glerhliðum til suðurs/vesturs með rennihurð. Flísar á gólfi og upphitaður. Möguleiki væri að tengja rými við fjölskyldurými og nýta þá sem auka herbergi inn af neðri hæð. Í dag skiptist rýmið þannig að helmingur (15 fm) fara í sólskála og u.þ.b. 15 fm fara í geymslu bakvið (innri hluti rýmis).
Baðherbergi: Er með gólfhita og flísum á gólfi og veggjum. Stór flísalögð sturta, baðkar, innrétting við vask, skápar, handklæðaofn og salerni.
Hjónaherbergi: Er rúmgott, með gegnheilu parketi á gólfi, skápum og glugga til vesturs.
Svefnherbergi II: Er rúmgott, með gegnheilu parketi á gólfi, skápum og glugga til suðurs.
Svefnherbergi III: Með gegnheilu parketi á gólfi, skápum og glugga til vesturs. Er nýtt í dag sem fataherbergi. 
Þvottaherbergi: Með epoxy gólfi, góðum skápum, upphækkun undir þvottavél og þurrkara, vaski og fatahengi.

Bílskúr: Er 30,0 fermetrar að stærð. Upphitaður með heitu/köldu vatni. Rafmagnsopnun á bílskúrshurð og gluggar til suðvesturs.

Staðsetning eignarinnar er afar góð á eftirsóknaverðum stað í lokuðum botnlanga við Skógarhjalla í Kópavogi þaðan sem stutt er í skóla á öllum skólastigum, Íþróttasvæði og alla verslun og þjónustu. Stutt er í helstu stofnæðar frá hverfinu. Frábær útivistarsvæði í næsta nágrenni í Kópavogsdalnum.

Allar nánari upplýsingar veitir:
Heimir Hallgrímsson lögg. fasteignasali í síma 849-0672 eða á netfanginu heimir@fastlind.is