Krókeyrarnöf 10

Fasteignasalan Hvammur 466 1600

Krókeyrarnöf 10 - Virkilega vandað 5 herbergja einbýlishús á einni hæð og með innbyggðum bílskúr í Naustahverfi - Heildarstærð 246,2 m²

- Eigendur skoða að taka uppí eign á Akureyri eða í Reykjavík á allt að 90 milljónir.
- Allar innréttingar eru spónlagðar með eik og smíðaðar af trésmiðjunni Ölri.
- Hiti er í gólfum.
- Innfelld lýsing er í helstu rýmum og aukin lofthæð. 
- Steypt stétt er hringinn í kringum húsið og steypt verönd með steyptum skjólveggjum og heitum potti er á baklóðinni.
- Falleg og vel hirt lóð með fjölbreyttum trágróðri meðal annars eplatré.

Eignin skiptist í forstofu, gang, eldhús, stofu, baðherbergi, fjögur svefnherbergi(eitt skráð sem geymsla á teikningum), snyrtingu, þvottahús og bílskúr. Geymsluloft er yfir hluta bílskúrs. 

Forstofa er með spónlögðum eikar skápum og flísum gólfi. 
Gangur er með flísum gólfi, næturlýsingu og innfelldri lýsingu í loftum. 
Eldhús, vönduð sérsmíðuð spónlögð eikar innrétting og eyja með mjög góðu skápa- og bekkjarplássi. Dökkur steinn er á bekkjum og flísar á milli skápa. Stæði er innréttingu fyrir amerískan ísskáp og uppþvottavél. Siemens tæki. Lítið búr er inn af eldhúsinu.
Stofa er með flísum á gólfi og stórum gólfsíðum gluggum til tveggja átta. Aukin lofthæð er í stofunni og innfelld lýsing í loftum. Fallegur arinn er á vegg milli eldhúss og stofu. Rennihurð er úr stofunni út á steypta verönd þar sem er heitur pottur. 
Svefnherbergin eru fjögur, öll með parketi á gólfi og sérsmíðuðum spónlögðum eikar fataskápum. Innfelld lýsing er í loftum. Stærð herbergja er skv. teikningum. 10,6 - 12,0 - 12,0 og 15,3 m².
Baðherbergi er flísalagt í hólf og gólf og með innfelldri lýsingu í lofti. Spónlögð eikar innrétting með dökkri bekkplötu og mjög góðu skápaplássi, upphengt wc, handklæðaofn, baðkar og rúmgóð sturta með innfelldum tækjum. Hurð er út af baðherberginu út á verönd. 
Snyrting er við hliðina á forstofunni með flísum á gólfum, innréttingu, upphengdu wc og opnanlegum glugga. 
Þvottahús er með spónlagðri eikar innréttingu með stæði fyrir þvottavél og þurrkara í vinnuhæð og skolvaska. Útgengt er í þvottahúsinu til norðurs á steypta stétt þar sem eru þvottasnúrur, einnig er gengið í gegnum þvottahúsið þegar farið er inn í bílskúr. 
Bílskúr er skv. teikningum 40,8 m² að stærð og með breiðri rafdrifinni innkeyrsluhurð. Flísar eru á gólfi og vönduð lýsing í loftum. Sér gönguhurð. 3ja fasa tenglar eru í bílskúrnum. Geymsluloft er yfir hluta bílskúrs og er lofthæðin þar um 1,4 m. Loftið er skráð 28,8 m² að stærð og er inn í heildar fermetrafjölda eignar. Ein talía mun fylgja með við sölu eignar til að hífa dót upp á geymsluloftið. 
Fyrir framan er steypt bílaplan með hitalögnum í að stærstum hluta, lokað kerfi. Steypt stétt/plan er með norðurhlið hússins og að þvottahúsi. 

Annað
- Steypt þak.
- Hvítir plast gluggar eru í húsinu. 
- Þjófa- og brunavarnarkerfi.
- Hitalagnir eru í stærstum hluta af bílaplani, í hluta af stétt við forstofu og gönguleið frá baðherbergi og að heitum potti. 
- Einkar vel skipulögð og fjölskylduvæn eign á rólegum stað.
- Eignin er í leigu til 1.5.2027.

Um skoðunar- og aðgæsluskyldu:
Í lögum um fasteignakaup nr. 40/2002 er kveðið á um ríka skoðunarskyldu kaupenda á fasteignum. Fasteignasalan Hvammur skorar því á væntanlega kaupendur að kynna sér vel ástand fasteigna fyrir kauptilboðsgerð og leita til þar til bærra sérfræðinga um nánari skoðun ef með þarf.
Forsendur söluyfirlits:
Söluyfirlit er samið af fasteignasala í samræmi við ákvæði laga nr. 70/2015. Þær upplýsingar sem fram koma í söluyfirliti þessu eru sóttar í opinberar skrár, til seljanda sjálfs og eftir atvikum til húsfélags. Seljandi veitir upplýsingar um eign í samræmi við upplýsingaskyldu laga um fasteignakaup nr. 40/2002. Fasteignasali sannreynir að þær upplýsingar séu réttar með sjónskoðun á eigninni. Fasteignasali getur ekki fullyrt um ástand og eiginleika þeirra hluta fasteigna sem ekki eru aðgengilegir og sjást ekki berum augum, t.d. lagnir, dren, skólp og þak.