Holtabraut 2

Domus fasteignasala kynnir Holtabraut 2 á Blönduósi – svipmikið og rúmgott einbýlishús með bílskúr, íbúðaraðstöðu með sérinngangi á neðri hæð og grónum garði með heitum potti. Húsið var hannað af dr. Magga Jónssyni og einkennist af vandaðri hönnun, skemmtilegri rýmisskiptingu og stórum gluggum. Mikil lofthæð í stofu og fallegur arinn gefa heimilinu hlýlegt og sérstætt yfirbragð.

Smelltu hér til að sjá kynningarmyndband um eignina

Eignin er skráð samtals 275,1 m², þar af er íbúðarhúsið 245,9 m² og bílskúr 29,2 m². Húsið er steinsteypt, byggt árið 1972 og stendur á 880 m² lóð.

Á aðalhæð eru rúmgóð stofa og borðstofa, eldhús, fimm svefnherbergi, baðherbergi með baðkari og sturtu, gestasalerni og geymsla/búr. Eitt svefnherbergjanna er inn af forstofu og er rúmgott með sér svefnlofti. Í risi er stórt opið rými ásamt tveimur herbergjum. Á neðri hæð er íbúðaraðstaða með sérinngangi, rúmgóðri stofu, svefnherbergi, eldhús- og þvottaaðstöðu, salerni, sér sturturými og geymslum. Þar er jafnframt saunaklefi og útgengt á verönd með heitum potti.

Forstofa og hol: Flísalögð forstofa með fatahengjum. Þaðan er gengið inn í hol með stórum fataskápum sem veita gott geymslupláss. Við forstofu er gestasalerni með handlaug og glugga.

Stofa og borðstofa: Sérlega rúmgott og bjart alrými með mikilli lofthæð og stórum gluggafleti sem hleypir inn góðri dagsbirtu. Rýmið býður upp á fjölbreytta uppröðun húsgagna og rúmar vel bæði setustofu og stórt borðstofuborð. Hallandi loft og tenging við efri hæðina undirstrika sérstöðu hönnunarinnar. Úr alrýminu er útgengt á verönd.

Í borðstofuhlutanum er fallegur arinn sem settur var upp árið 2018. Honum fylgir hitadreifikerfi sem dreifir heitu lofti um húsið og stuðlar að jafnari hitadreifingu.

Eldhús: Eldhúsið er í góðum tengslum við borðstofu og búið vandaðri innréttingu í hlýlegum viðarlit með steinborðplötum. Gott skápa- og vinnupláss er í eldhúsinu, flísar á gólfi og stór gluggi við vinnuborð sem veitir birtu og sýn út í garð.

Svefnherbergi: Á aðalhæð eru fimm svefnherbergi. Hjónaherbergið er rúmgott og bjart með gluggum á tveimur hliðum og stórum fataskápum. Inn af forstofu er stórt og skemmtilegt svefnherbergi með mikilli lofthæð, stórum glugga og stiga upp á eigið svefnloft. Þar er gott rými fyrir setu- eða vinnuaðstöðu. Þrjú önnur svefnherbergi eru á aðalhæðinni og nýtast vel sem barna-, gesta- eða vinnuherbergi eftir þörfum.

Baðherbergi: Flísalagt baðherbergi með baðkari og aðskildri sturtu með glerlokun. Þar er rúmgóð innrétting með handlaug, stórum spegli og góðu skápaplássi, ásamt vegghengdu salerni og handklæðaofni.

Geymsla/búr: Á aðalhæð er geymsla sem nýtist meðal annars sem búr og til almennrar geymslu.

Ris: Á efstu hæð er stórt opið rými með viðarklæddu lofti og gluggum ofarlega á vegg. Rýmið býður upp á ýmsa nýtingarmöguleika, svo sem sjónvarps-, vinnu- eða tómstundaaðstöðu. Tvö herbergi eru sitt hvorum megin við opna rýmið, þar af er annað nú nýtt sem fata- og geymsluherbergi. Skráð stærð rýma í risi er 22,4 m².

Neðri hæð: Á neðri hæð er íbúðaraðstaða með sérinngangi, rúmgóðri stofu og svefnherbergi. Eldhús- og þvottaaðstaða er í sameiginlegu rými með innréttingu, vinnuborði, vaski og eldunaraðstöðu. Salerni með handlaug og sér sturturými eru á hæðinni.

Gott geymslupláss er á neðri hæðinni. Í stóru geymslurými er saunaklefi og önnur geymsla er nýtt sem búr. Úr búrinu er gengið út á veröndina þar sem heiti potturinn er. Innangengt er á milli neðri hæðar og aðalhæðar.

Bílskúr: Bílskúrinn er skráður 29,2 m², með innkeyrsluhurð, gönguhurð og gluggum. Þar eru skápar og vinnuborð sem nýtast við ýmis verkefni og til geymslu.

Lóð og útisvæði: Húsið stendur á gróinni lóð með grasflötum, trjám og runnum. Við húsið er rúmgóð verönd með skjólveggjum, setuaðstöðu og heitum potti. Veröndin er að hluta steinlögð og að hluta með timburpalli. Við hlið hússins er jafnframt annar pallur með skjólveggjum og plássi fyrir útihúsgögn. Bílastæði eru á lóð framan við bílskúr.

Húsið var málað að utan í heild sinni árið 2025. Í því er einnig fjarstýrt loftræstikerfi.

Holtabraut 2 er heimili með mikinn karakter, rúmgóðum samverurýmum og fjölbreyttum nýtingarmöguleikum. Hönnun hússins, birtan og gróið útisvæðið skapa skemmtilega umgjörð fyrir fjölskyldulíf og samveru.

Upplýsingar veita Friðrik Halldór Brynjólfsson löggiltur fasteignasali s 662-8034 domus@domus.is,  Stefán Ólafsson hrl. löggiltur fasteignasali s 891-9425 sol@domus.is og Sigurður Pétur Stefánsson s 698-6971 siggi@domus.is

Forsendur söluyfirlits:
Söluyfirlit er samið af fasteignasala í samræmi við ákvæði laga nr. 70/2015. Þær upplýsingar sem fram koma í söluyfirliti þessu eru sóttar í opinberar skrár, til seljanda sjálfs og eftir atvikum til húsfélags. Seljandi veitir upplýsingar um eign í samræmi við upplýsingaskyldu laga um fasteignakaup nr. 40/2002. Fasteignasali sannreynir að þær upplýsingar séu réttar með sjónskoðun á eigninni.
Fasteignasali getur ekki fullyrt um ástand og eiginleika þeirra hluta fasteigna sem ekki eru aðgengilegir og sjást ekki berum augum, t.d. lagnir, dren, skólp og þak.

Um skoðunar- og aðgæsluskyldu:
Í lögum um fasteignakaup nr. 40/2002 er kveðið á um ríka skoðunarskyldu kaupenda á fasteignum. Domus Fasteignasala bendir væntanlegum kaupendum á að kynna sér vel ástand fasteigna við skoðun og fyrir tilboðsgerð og ef þurfa þykir að leita til sérfræðinga um nánari ástandsskoðun.

Gjöld sem kaupandi þarf að standa straum af vegna kaupanna:
1.Stimpilgjald af kaupsamningi sem er hlutfall af fasteignamati. Stimpilgjald er 0,8% fyrir einstaklinga (0,4% við fyrstu kaup) og 1,6% fyrir lögaðila.
2. Þinglýsingargjald af kaupsamningi, veðskuldabréfum, veðleyfum o.fl. Þinglýsingargjald er kr. 3.800,- fyrir hvert skjal.
3. Lántökugjald lánastofnunar. Um lántökugjald vísast í gjaldskrá viðkomandi lánveitanda.
4. Umsýslugjald kaupanda kr. 71.920 kr.
5. Þegar um nýbyggingu er að ræða greiðir kaupandi skipulagsgjald, 0,3% af endanlegu brunabótamáti, þegar það er lagt á.