Borgabraut 15

Frábært fjölskylduhús á glæsilegum útsýnisstað í Hólmavík.

Vinsamlegast sendu póst á arni@palssonfasteignasala.is til þess að bóka einkaskoðun.

* Ótrúlegt útsýni út á sjó - sjön er sögu ríkari!
* 5 svefnherbergi
* Baðherbergi + gestasalerni
* Rúmgóður bílskúr með miklum möguleikum (skráður 37,1m2)
* Þak endurnýjað af fyrri eiganda 

EIGN SEM ER VERT AÐ SKOÐA!

Nánari upplýsingar veita:
Árni B. Kristjánsson B.A í lögfræði / Lgf í síma  616-2694 arni@palssonfasteignasala.is
Páll Pálsson lgf. í síma 775-4000 eða palli@palssonfasteignasala.is
www.eignavakt.is
www.verdmat.is 

Birt stærð samkv. Þjóðskrá Íslands er 261,3 m2 og þar af er bílskúr 37,1 m2. Fasteignamat 2024 er 35.650.000 kr.

Húsið er byggt árið 1973 og er skráð 261,3 m2. Húsið er á tveimur hæðum með innbyggðum björtum bílskúr. Gengið er inn á neðri hæð.
Komið er inn í rúmgóða flísalagða forstofu þaðan sem gengið er inn í forstofuherbergi (var þvottahús, er núna gestaherbergi), gestasalerni, milliherbergi/geymslu og þaðan er gengið inn í bílskúr. Þvottarými er í bílskúr og góðar geymslur inn af honum.
Úr forstofu er teppalagður stigagangur upp á efri hæð, komið er inn á gang þar sem opið er inn í stóra stofu með borðstofu, þaðan er gengið út á svalir og út í garð.
Á aðra hönd er stórt eldhús með eldhúskrók (og frábæru útsýni). Rúmgott búr inn af eldhúsi.
Á hina höndina er gengið inn á svefnherbergisgang þar sem eru fjögur svefnherbergi, tvö lítil, eitt örlítð stærra og ágætlega stórt hjónaherbergi.
Baðherbergi er við enda gangsins þar sem er bað og sturta.
Gólf á efri hæð eru með parketi en herbergi með dúk.

Fyrir utan húsið er hellulagt bílaplan sem rúmar vel 3-4 bíla og hellulögð stétt að útidyrum.
Garðurinn er stór og einfaldur í sniðum með fallegri steinahleðslu við götu.
Að ofan rennur garðurinn upp í Borgirnar fyrir ofan og er frábært að taka morgungönguna beint út í fallega náttúruna og njóta útsýnisins.

Þar sem húsið er stórt og rúmgott með 5 svefnherbergjum eru ýmsir kostir í stöðunni fyrir áhugasama kaupendur. Húsið gæti hentað stórri barnafjölskyldu sem býr á staðnum, það gæti hentað sem sumarhús fyrir eina eða fleiri fjölskyldur saman. Einnig gæti húsið hentað mjög vel í Airbnb eða sambærilega útleigu. Auðvelt væri að útbúa fleiri herbergi eða litla íbúð í bílskúr í þeim tilgangi.

Útsýnið úr húsinu er stórfenglegt út yfir Steingrímsfjörðinn og yfir að Vatnsnesinu handan Húnaflóans. Ekki er óalgengt að hvalir sjáist á firðinum með tilheyrandi gusugangi og sporðaköstum, stundum er eins og sjóði á firðinum þegar loðnu- eða makríltorfur fara um og fuglalífið er ríkulegt allt um kring.

Á Hólmavík er alla helstu þjónustu að finna, s.s. heislugæslu, apótek, krambúð, sparisjóð og pósthús. Þar eru veitingastaðirnir Café Riis og Galdur Restaurant auk þess sem er grill í kaupfélaginu og ekki má gleyma Galdur Brugghús. Mjög góð sundlaug er á staðnum og gólfvöllur steinsnar frá. Galdrasýning á Ströndum er á Hólmavík og Sauðfjársetur á Ströndum er aðeins sunnar í sveitinni. Stutt er á skíðasvæði í Selárdal þar sem frábært er að vera á gönguskíðum.
Sannkallað draumahús í fallegri náttúruparadís

Góð ráð fyrir kaupendur / seljendur

Gjöld sem kaupandi þarf að standa straum af vegna kaupanna: 
1. Stimpilgjald af kaupsamningi - 0.8% af heildarfasteignamati / 1.6% fyrir lögaðila. (0.4% við fyrstu kaup einstaklinga).
2. Þinglýsingagjald af kaupsamningi, veðskuldabréfi, veðleyfi o.fl.- kr. 2.700 af hverju skjali.
3. Lántökugjald lánastofnunar - samanber gjaldskrá viðkomandi lánastofnunar.
4. Umsýsluþóknun til fasteignasölu, sbr.kauptilboð.

Um skoðunarskyldu:
Í lögum um fasteignakaup nr. 40/2002 er kveðið á um ríka skoðunarskyldu kaupenda á fasteignum. Pálsson fasteignasala bendir væntanlegum kaupendum á að kynna sér vel ástand fasteigna við skoðun og fyrir tilboðsgerð og ef þurfa þykir að leita til sérfræðinga um nánari ástandsskoðun.