Stefnir í hækkun stýrivaxta
Búist er við 0,75% hækkun
08 febrúar 2022
Ragnar Kormáksson
Fasteignaleitin
Verðbólguhorfur
Verðbólga hefur hækkað hratt undanfarna mánuði og töluvert umfram spár. Verðbólga á ársgrundvelli er nú 5,7% en flestir greiningaraðilar virðast almennt sammála um að verðbólgan komi til með að lækka þegar líða tekur á árið. Greiningardeild Íslandsbanka spáir 5,3% verðbólgu í apríl á þessu ári en að hún verði komin niður í 3,2% í árslok.[1] Ástæður sem gefnar eru fyrir lækkuninni eru styrking krónunnar, að jafnvægi náist á íbúðamarkaði og að framleiðsla & flutningar færast í eðlilegt horf.
Í töfluni að neðan má sjá samantekt á nýlegum og eldri spám sem hafa verið gefnar út. Eflaust verða þessar spár endurmetnar í ljósi þess að verðbólga er komin langt umfram væntingar.
Verðbólguspá (meðaltal árs)
| Greinandi | Útgáfudagur greiningar | 2022 | 2023 | 2024 |
|---|---|---|---|---|
| Íslandsbanki | Janúar 2022 | 4,3% | 2,5% | 2,7% |
| Seðlabanki Íslands | Nóvember 2021 | 3,5% | 2,9% | 2,9% |
| Landsbankinn | Október 2021 | 3,5% | 2,7% | 2,6% |
| Arion Banki | Mars 2021 | 2,4% | 2,4% | - |
Verðbólguspá Seðlabankans frá því í nóvember 2021 gerði ráð fyrir því að verðbólga væri um 4,42% á ársgrundvelli á fyrsta fjórðungi ársins 2022. Raunin er sú að hún er komin í 5,7% og ólíklegt verður að teljast að hún komi til með að lækka mikið á fyrsta fjórðungi ársins.
Á morgun þann 9.febrúar verður tilkynnt um niðurstöður fundar Peningastefnunefndar, sem tekur ákvörðun um stýrivexti. Í ljósi þess að langt er í næsta fund Peningastefnunefndar, sem haldinn er í maí 2022, gera flestir aðilar á markaði ráð fyrir því að Seðlabankinn muni hækka stýrivexti nokkuð skarpt.
Stýrivaxtahækkun í vændum
Spár greinenda gera ráð fyrir 0,75% stýrivaxtahækkun á morgun, þann 9.febrúar, þegar niðurstaða Peningastefnunefndar liggur fyrir, þó sumir telja að hækkunin geti orðið allt 1,0%[1]. Líklegt þykir að vextir hækki á bilinu 0,5%-1,0%.
Stýrivaxtaspá 9.febrúar
| Greinandi | Stýrivextir nú | Hækkun | Stýrivextir eftir |
|---|---|---|---|
| Greiningadeild Íslandsbanka | 2% | +0,75% | 2,75% |
| Hagdeild Landsbankans | 2% | +0,75% | 2,75% |
Enn fremur spá greinendur því að stýrivextir komi til með að halda áfram að hækka allt til ársins 2024. Gangi sú hækkun eftir gætu lántakendur með breytilega óverðtryggað vexti viljað festa þá til þess að komast hjá hærri vaxtakostnaði.
Stýrivaxtaspá
| Greinandi | 2022 | 2023 | 2024 |
|---|---|---|---|
| Greiningadeild Íslandsbanka | 3,25% | 3,50% | 4,0% |
| Hagdeild Landsbankans | 3,50% | 4,25% | 3,5% |
Áhrif á lán
Þegar stýrivextir hækka þá hækka vextir íbúðalána iðulega í kjölfarið. Árið 2021 var meðal vaxtaálag Landsbankans um 2,35% á óverðtryggða breytilega vexti. Því þykir líklegt að ef stýrivextir hækki í 2,75% að þá muni óverðtryggðir breytilegir vextir (grunnlán) hækka úr 4,2% í um 4,95% - 5,10%.
Í töflunni hér að neðan má sjá hvaða áhrif hækkun vaxta úr 4,2% í 5% hefði á mánaðarlegur greiðslur út frá lánsupphæð.
Forsendur gera ráð fyrir 40 ára jafngreiðsluláni með 5% óverðtryggðum vöxtum. Sé fólk með jafnar afborganir má búast við frekari hækkun á greiðslubyrði.
Heimildir:
Vinsælar eignir
Skoða eignina Suðurhvammur 4
Suðurhvammur 4
220 Hafnarfjörður
267.4 m2
Einbýlishús
825
587 þ.kr./m2
157.000.000 kr.Skoða eignina Tjarnarlundur 15 e
Tjarnarlundur 15 e
600 Akureyri
113.1 m2
Fjölbýlishús
413
583 þ.kr./m2
65.900.000 kr.Skoða eignina Selvað 11
Selvað 11
110 Reykjavík
87 m2
Fjölbýlishús
312
803 þ.kr./m2
69.900.000 kr.Skoða eignina Laugargata 1
Laugargata 1
600 Akureyri
208.4 m2
Einbýlishús
614
671 þ.kr./m2
139.900.000 kr.Skoða eignina Ljósheimar 12
Ljósheimar 12
104 Reykjavík
99.8 m2
Fjölbýlishús
413
740 þ.kr./m2
73.900.000 kr.Skoða eignina Skipasund 37
Skipasund 37
104 Reykjavík
113.8 m2
Tví/Þrí/Fjórbýli
311
790 þ.kr./m2
89.900.000 kr.Skoða eignina Eyrar 11 og 13
Eyrar 11 og 13
276 Mosfellsbær
73.1 m2
Sumarhús
413
683 þ.kr./m2
49.900.000 kr.Skoða eignina Skógargerði 2
Skógargerði 2
108 Reykjavík
112 m2
Tví/Þrí/Fjórbýli
413
847 þ.kr./m2
94.900.000 kr.Skoða eignina Njörvasund 21
Njörvasund 21
104 Reykjavík
100 m2
Fjölbýlishús
312
814 þ.kr./m2
81.400.000 kr.Skoða eignina Suðurvangur 12
Suðurvangur 12
220 Hafnarfjörður
94.6 m2
Fjölbýlishús
413
686 þ.kr./m2
64.900.000 kr.