Íbúðaverð lækkar annan mánuðinn í röð
Vísitala íbúðaverðs á höfuðborgarsvæðinu lækkaði í desember, annan mánuðinn í röð. Bæði sérbýli og fjölbýli lækkuðu í verði á milli mánaða. Flest gögn benda til þess að íbúðamarkaðurinn sé að kólna talsvert sem eru góðar fréttir, m.a. fyrir verðbólguhorfur.
18 janúar 2023
Íslandsbanki
Greiningadeild Íslandsbanka
Íbúðaverð á höfuðborgarsvæðinu lækkaði um 0,7% í desembermánuði frá mánuðinum á undan samkvæmt gögnum Húsnæðis- og mannvirkjastofnunnar sem birtust síðdegis í gær. Þetta er annar mánuðurinn í röð þar sem vísitalan lækkar á milli mánaða, en í nóvember lækkaði hún um 0,3%.
Fjölbýli á höfuðborgarsvæðinu lækkuðu um 0,3% í verði á milli mánaða en svo mikil lækkun í fjölbýli hefur ekki mælst síðan í júní 2020. Sérbýli lækkuðu talsvert meira á milli mánaða eða um 2,1%. Á síðustu þremur mánuðum hafa sérbýli lækkað samtals um 4% í verði eftir hækkun sem nam 4,8% í september.
Dregið hefur nú úr árshækkun íbúðaverðs á höfuðborgarsvæðinu fimm mánuði í röð. Hækkun á árinu 2022 mælist 17,4%, en árstakturinn náði toppi í júlí þegar hækkunin mældist 25,5%. Árshækkun á fjölbýli mælist 17,8% en á íbúðum í sérbýli 16,7% í desembermánuði.
Miklar sveiflur á undanhaldi?
Sveiflur hafa einkennt íbúðamarkaðinn að undanförnu og þá sérstaklega í verði á sérbýli. Líklega má rekja það til minni veltu og færri kaupsamninga á undanförnum mánuðum. Alla jafna eru kaupsamningar á sérbýlum á höfuðborgarsvæðinu frekar fáir samanborið við fjölbýli eins og gefur að skilja, en þeir hafa verið sérstaklega fáir á undanförnum mánuðum. Síðustu 10 ár hafa hafa kaupsamningar á sérbýlum verið að meðaltali 107 talsins í hverjum mánuði. Á nýliðnu ári voru þeir hins vegar 81 að meðaltali, en tölur fyrir desembermánuð liggja ekki fyrir. Nú hefur verð á sérbýli lækkað þrjá mánuði í röð eftir töluverða hækkun í september. Gæti verið að um einhverskonar leiðréttingu sé að ræða eftir þessa hækkun í september. Fjölbýli hafa aftur á móti sveiflast mun minna í verði.
Jákvætt fyrir verðbólguhorfur
Þessar tölur um íbúðamarkaðinn á höfuðborgarsvæðinu gefa góða vísbendingu um þróun reiknuðu húsaleigunnar sem Hagstofan mælir í vísitölu neysluverðs. Líkur eru á verðbólga muni hjaðna á næstu mánuðum og það frekar hratt, einkum vegna rólegri íbúðamarkaðar.
Nú hefur komist meiri ró á íbúðamarkaðinn ef marka má gögn síðustu mánaða. Það er í takti við spá okkar og er nokkuð ljóst að aðgerðir Seðlabankans, sem hækkaði vexti og herti á lánaskilyrðum, hafi haft sitt að segja í kólnun markaðarins. Einnig mælist aukið framboð nýrra eigna á markaði og útlit fyrir talsverða íbúðafjárfestingu á næstu misserum. Við gerum ráð fyrir að íbúðamarkaðurinn muni finna sitt jafnvægi á næstu mánuðum. Það gæti þó farið svo að verðið sveiflist til milli einstakra mánaða og mögulega haldi áfram að lækka til skemmri tíma en við teljum að til meðallangs tíma muni íbúðaverð þróast í takti við annað verðlag.
Höfundur
Bergþóra Baldursdóttir - Hagfræðingur Íslandsbanka
Vinsælar eignir
Skoða eignina Flétturimi 31
Flétturimi 31
112 Reykjavík
91,8 m2
Fjölbýlishús
312
718 þ.kr./m2
65.900.000 kr.Skoða eignina Suðurhvammur 4
Suðurhvammur 4
220 Hafnarfjörður
267,4 m2
Einbýlishús
825
587 þ.kr./m2
157.000.000 kr.Skoða eignina Barónsstígur 16
Barónsstígur 16
101 Reykjavík
155,1 m2
Einbýlishús
734
1095 þ.kr./m2
169.900.000 kr.Skoða eignina Mánatún 17 í búð 214
Mánatún 17 í búð 214
105 Reykjavík
124 m2
Fjölbýlishús
312
886 þ.kr./m2
109.900.000 kr.Skoða eignina Reynimelur 92
Reynimelur 92
107 Reykjavík
94,2 m2
Fjölbýlishús
413
954 þ.kr./m2
89.900.000 kr.Skoða eignina Möðrufell 1
Möðrufell 1
111 Reykjavík
63 m2
Fjölbýlishús
211
741 þ.kr./m2
46.700.000 kr.Skoða eignina Vestursíða 16
Vestursíða 16
603 Akureyri
105 m2
Fjölbýlishús
4
Fasteignamat 55.000.000 kr.
TilboðSkoða eignina Brattakinn 5
Brattakinn 5
220 Hafnarfjörður
47,6 m2
Fjölbýlishús
312
838 þ.kr./m2
39.900.000 kr.Skoða eignina Hörðukór 3 - Útsýni
Hörðukór 3 - Útsýni
203 Kópavogur
118,9 m2
Fjölbýlishús
413
756 þ.kr./m2
89.900.000 kr.Skoða eignina Álfholt 16
Álfholt 16
220 Hafnarfjörður
105,9 m2
Fjölbýlishús
413
647 þ.kr./m2
68.500.000 kr.