Kaplaskjólsvegur 29

LIND fasteignasala og Þórey Ólafsdóttir, löggiltur fasteignasali, kynna í einkasölu bjarta og rúmgóða 3-4 herbergja útsýnisíbúð á efstu hæð við Kaplaskjólsveg með óinnréttuðu rislofti sem býður upp á mikla nýtingarmöguleika. Eignin er staðsett á einum eftirsóttasta stað Vesturbæjar, þar sem stutt er í alla helstu þjónustu, skóla og leikskóla auk þess sem Vesturbæjarlaugin, KR-völlurinn og Melabúðin eru í göngufæri.

Birt stærð eignar er 114,3 fm samkvæmt Þjóðskrá Íslands, þar af er risloft 33,6 fm og geymsla í kjallara 3,5 fm en henni fylgir einnig hlutdeild í sameign, rúmgóðu sameiginlegu þvottahúsi og þurrkherbergi, hjóla- og vagnageymslu.

Eignin skiptist í opið hol, stofu og borðstofu, eldhús, tvö svefnherbergi og baðherbergi, risloft og geymslu. Í öðrum stigagöngum í húsinu hafa risloft víða verið tekin inn í íbúðir og nýtt sem auka herbergi eða sjónvarpsherbergi, sem sýnir vel þá möguleika sem felast í rýminu. Í dag er aðgengi að risloftinu bæði úr sameign og beint úr íbúð.

SMELLTU HÉR TIL AÐ FÁ SENT SÖLUYFIRLIT - Allar frekari upplýsingar veitir Þórey í síma 663 2300 eða thorey@fastlind.is
 
Nánari lýsing:
Forstofa/hol með fatahengi, parket á gólfi.
Eldhús með hvítri innréttingu og steinborðplötu, parket á gólfi.
Stofa og borðstofa, björt og rúmgóð með parket á gólfi og útgengi á suðvestursvalir.
Hjónaherbergi með fataskáp og parket á gólfi.
Barnaherbergi, parket á gólfi.
Baðherbergi, flísalagt með innréttingu, salerni og baðkari með sturtuaðstöðu.
Risloft með miklum möguleikum, skráð 33,6 fm en nýtanlegur gólfflötur töluvert meiri.
Geymsla í kjallara með hillum, málað gólf.

Garður sameiginlegur, bílastæði malbikað, göngustígar hellulagðir og sameign mjög snyrtileg. 

Húsið hefur fengið gott og reglulegt viðhald í gegnum tíðina. Farið var í viðamiklar endurbætur á ytra byrði á árunum 2022-2023. Steypuviðgerðir, viðgerðir á gluggum og gluggaskipti, málun glugga og málun allrar blokkarinnar. Þá var skipt um eldhúsglugga, glugga í hjónaherbergi og annan stofugluggann í íbúð og gler í barnaherberginu. Verkið var unnið á grundvelli ástandslýsingar frá Verksýn sem einnig innihélt framkvæmdatillögur og kostnaðaráætlun. Verksýn hafði umsjón og eftirlit með verkinu. Heildarviðgerðunum lauk árið 2023. Sama ár var skipt um hellur fyrir framan blokk og snjóbræðslulagnir lagðar í stéttina, skipt um hurð að ruslageymslu og hjólageymslu. Árið 2021 var settur upp mynddyrasími í allar íbúðir í stigaganginum. Árið 2019 var skipt um gler í hinum stofuglugganum, nýtt teppi sett á stigagang og stigagangurinn málaður. Árið 2012 voru skolplagnir stigagangs endurnýjaðar, eldvarnarhurðir úr tekki settar upp í allar íbúðir stigagangs árið 2010 og þökin á bíslögunum (inngöngum) dúklögð árið 2009.
 
Nánari upplýsingar veitir Þórey Ólafsdóttir, löggiltur fasteignasali / B.Sc. í viðskiptafræði í síma 663 2300 eða gegnum thorey@fastlind.is
 
Á heimasíðunni minni www.thorey.is má skoða umsagnir ánægðra viðskiptavina og kynna sér þjónustuna mína.

Allir kaupendur okkar fá Vildarkort Lindar. Með því að framvísa kortinu færð þú 30% afslátt hjá samstarfsaðilum: Húsgagnahöllin, S. Helgason, Flugger litir, Húsasmiðjan, Z brautir og gluggatjöld, Vídd, Parki, Betra bak, Dorma og Sýn.